Book Launched by Bahrain Resident at BKS

ബഹ്‌റൈനിലെ അറിയപ്പെടുന്ന സംവിധായകനും , ഛായാഗ്രാഹകനുമായ അജിത് നായർ രചിച്ച മലയാള ഹ്രസ്വകഥാസമാഹാരമായ “പറഞ്ഞാലും തീരാത്ത കഥകൾ” എന്ന പുസ്തകം ബഹ്‌റൈൻ കേരളീയ സമാജത്തിൽ വെച്ച് ഔദ്യോഗികമായി പ്രകാശനം ചെയ്തു.

സമാജം പ്രസിഡണ്ട് പി.വി. രാധാകൃഷ്ണപിള്ള ആദ്യ പ്രതി സമാജം ജനറൽ സെക്രട്ടറി വർഗീസ് കാരയ്ക്കലിന് കൈമാറി പ്രകാശനം നിർവഹിച്ചു. ബഹ്‌റൈനിലെ സാമൂഹിക സാഹിത്യ മേഖലയിൽ നിന്നുള്ള പ്രമുഖരടക്കം നിരവധിപേർ പ്രകാശന ചടങ്ങിൽ പങ്കെടുത്തു. വയനാട് കൽപ്പറ്റ സ്വദേശിയായ അജിത് നായരുടെ മൂന്നാമത്തെ പുസ്തകമാണ് “പറഞ്ഞാലും തീരാത്ത കഥകൾ ”. ഓർമ്മകൾ പൂക്കുന്നിടം, വഴിയറിയാതെ എന്നിവയാണ് മറ്റ് പുസ്തകങ്ങൾ.