Violin Prodigy Ganga Sasidharan at BKS

ബഹ്റൈന്‍ കേരളീയ സമാജത്തിന്റെ ഓണാഘോഷമായ ശ്രാവണം 2025 ന്റെ ഭാഗമായി നാളെ സെപ്റ്റംബര്‍ 19 വെള്ളിയാഴ്ച ഗംഗ ശശിധരന്‍ വയലിന്‍ കച്ചേരി അവതരിപ്പിക്കുന്നു.

രാത്രി 8 മണിക്ക് സമാജം ഡയമണ്ട് ജൂബിലി ഹാളിലാണ് പരിപാടി. അഞ്ചാം ക്ലാസ്സ് വിദ്യാര്‍ത്ഥിനിയായ ഗംഗ അവതരിപ്പിക്കുന്ന കച്ചേരിക്ക് ഇതിനോടകം വലിയ സ്വീകാര്യതയാണ് ലഭിച്ചിട്ടുള്ളത്. 12-ാം വയസ്സില്‍ തന്നെ സംഗീത ലോകത്ത് തന്റേതായ ഒരിടം കണ്ടെത്തിയ ഗംഗയുടെ കച്ചേരി ബഹ്റൈനിലെ കലാസ്വാദകര്‍ക്ക് അവിസ്മരണീയമായ സാംസ്‌കാരിക വിരുന്നായിരിക്കുമെന്ന് സമാജം പ്രസിഡന്റ് പി.വി.രാധാകൃഷ്ണപിള്ളയും ജനറല്‍ സെക്രട്ടറി വര്‍ഗ്ഗീസ് കാരക്കലും അറിയിച്ചു. പരിപാടിയിലേക്ക് ഏവരെയും സ്വാഗതം ചെയ്തു. വിശദവിവരങ്ങള്‍ ശ്രാവണം ജനറല്‍ കണ്‍വീനര്‍ വര്‍ഗ്ഗീസ് ജോര്‍ജ്ജ്നെ,
39291940 എന്ന നമ്പറിൽ ലഭ്യമാണ്.